பத்ராசலம்

பகவான் ஸ்ரீராமரின் இருப்பிடமான பரத்ராசலம், பத்ரா - அசலம் (மலை) என்ற பெயரைப் பெற்றது, அங்கு மேருவின் மற்றும் மேனகாவின் மகனான ஸ்ரீ பத்ரா பகவான் ஸ்ரீ ராமரை தரிசனம் செய்ததற்காக தவம் செய்தார். கோதாவரி நதியின் வடகரையில் அமைந்துள்ள ஒரு சிறிய மலையின் உச்சியில் உள்ள வைகுண்ட ராமர் கோவிலினால் பரத்ராசலம் ஒரு புண்ணிய தலமாகும். ஒருங்கிணைந்த ஆந்திராவின் கம்மம் மாவட்டத்தில் உள்ள கோயில் தற்போது தெலுங்கானா மாநிலத்தின் பத்ராத்ரி கொத்தகூடம் மாவட்டத்தில் உள்ளது. அருகிலுள்ள ரயில் நிலையம் கொத்தகூடம், பத்ராசலம்-சாலை நிலையம், இது யாத்ரீகர் நகரத்திலிருந்து 40 கிமீ தொலைவில் உள்ளது. ரயில் நிலையத்திலிருந்து பொது போக்குவரத்து மற்றும் டாக்சிகள் உள்ளன

ஸ்ரீ வைகுண்ட ராமர் கோவில் புராணம்

மேரு மற்றும் மேனகாவின் மகனான ஸ்ரீ பத்ரா கோதாவரி நதிக்கரையில் உள்ள இந்த புண்ணிய ஸ்தலத்தில் ஸ்ரீராமரை தரிசனம் செய்ய தவம் செய்தார். ஸ்ரீராமர் அவருக்கு சீதா மாதா மற்றும் லட்சுமணருடன் தரிசனம் அளித்தார். ஸ்ரீ ராமர் ஸ்ரீ பத்ராவுக்கு தரிசனம் அளித்த வடிவத்திலேயே இங்கு சிலையுருவில் காட்சியளிக்கிறார்கள். இந்த ஆலயமே ஸ்ரீ பத்ரா மீது உள்ளது. ஸ்ரீ பத்ராவின் தலையானது பிரதான கருவறையின் [கர்பக்ரஹம்] பின்புறத்தில் காணப்படுகிறது, இது ஸ்ரீ பத்ராவின் இதயமாகவும், ராஜகோபுரத்தின் நுழைவாயில் ஸ்ரீ பத்ராவின் பாதங்களாகவும் காணப்படுகிறது.

மற்றொரு வர்ணனையின் படி ராமாயண காலத்தின் பக்த சபரியின் வழித்தோன்றல் போகலா தம்மக்கா என்ற தீவீர ஸ்ரீராமரின் பக்தையுமான பழங்குடிப் பெண் தற்போதைய பத்ராசலத்திற்கு அருகிலுள்ள பத்ரிரெட்டிபாளயத்தில் வசித்து வந்ததாக கூறப்படுகிறது. இந்த பக்தையின் கனவில் ஒரு நாள் வைகுண்ட ராமர் மற்றும் பிற தெய்வ விக்ரகங்கள் காட்டின் நடுவில் இருப்பது தெரியவந்தது. பின்னர் அவள் கனவில் சுட்டிக்காட்டப்பட்ட தலத்தைக் கண்டு, காட்டை சுத்தம் செய்து தெய்வங்களுக்கு பூஜை செய்தாள். உள்ளூர் கிராமவாசிகளின் உதவியுடன் தெய்வங்களுக்கு ஒரு சிறிய கோவிலைக் கட்டினார்.

இன்று இந்தப் பழங்குடிப் பெண்ணான போகலா தம்மக்காவின் நினைவாக, 29 மண்டலங்களைச் சேர்ந்த ஆயிரக்கணக்கான பழங்குடியினர் இக்கோயிலுக்கு வந்து, சீதா-ராம கல்யாணத்தின் போது சிறப்பு பிரார்த்தனை மற்றும் தரிசனம் செய்கிறார்கள். தமக்காவின் சிலைக்கு மலர் தூவி மரியாதை செலுத்தினர். சீதா-ராம திருமண வேலைகளில் பங்கு கொள்வதையும், திருமணத்திற்கு "கோடி தாளம்பரலு" வழங்குவதற்கும் தங்களை அதிர்ஷ்டசாலி என்று அவர்கள் கருதுகிறார். கோடி தாளம்பரலு அரிசியைக் கொண்டு தயாரிக்கப்படுகிறது, அதன் உமியை நகங்களால் அகற்றி, கைகளால் பதப்படுத்தப்பட்ட மஞ்சள் தூளுடன் கலக்கப்படுகிறது. இயற்கையான முத்துக்கள் மற்றும் வாசனைகளும் அரிசியில் சேர்க்கப்படும், இது நல்ல வாசனையைக் கொடுக்கும்.

பத்ராசலத்தில் தற்போது உள்ள கோவில் பக்த ராமதாஸ் எனப்படும் கோபண்ணனால் கட்டப்பட்டது. கோவில் வளாகத்தின் புதுப்பித்தல் மற்றும் கட்டுமானம் ஒரு காவியம். இந்த கோவிலின் விமானம் சுதர்சன சக்கரத்தால் முடிசூட்டப்பட்டுள்ளது, இது இந்த கோவிலுக்கு மிகவும் தனித்துவமானது. விமானத்தில் ரிஷி பத்ராவுடன் முக்கிய தெய்வங்களின் பிரதியும் காணப்படுகிறது. இந்தக் கோயிலும் அதன் தெய்வங்களும் ராமதாஸ் வாழ்வில் முக்கியப் பங்கு வகித்தன. [படம்: பத்ராசலத்தின் மையக் கருவறை, உச்சியில் சுதர்சன சக்கரம் மற்றும் கோயிலின் தெய்வத்தின் சிறு உருவம். - பிரசாந்த்.286]

ஸ்ரீ வைகுண்ட ராமர்

ஸ்ரீராமர் வைகுண்டத்தில் இருப்பவராக அவதரித்ததால், இந்த க்ஷேத்திரத்தின் பெருமாள் ஸ்ரீ வைகுண்ட ராமர் என்று அழைக்கப்படுகிறார். ஸ்ரீராமர் நான்கு கரங்களுடன் அவதரித்த ஸ்ரீராமர் இங்கு பலவிதங்களில் மிகவும் தனித்துவமான தோற்றத்தில் இருக்கிறார். கீழ் கரங்களில் வில்லும் அம்பும், மேல் கரங்களில் சங்குமும் சக்கரமும் ஏந்தியபடி, நான்கு கரங்களுடன் காட்சியளிக்கிறார் இறைவன். ஸ்ரீ சீதாதேவியுடன் அவரது இடது மடியில் அமர்ந்த நிலையில் யோக தோரணையில் ஸ்ரீ ராமர் இருக்கிறார். அவருக்கு அருகில் ஸ்ரீ லக்ஷ்மணர் வில் அம்புகளுடன் நின்று அவர்களை அன்புடன் காக்கிறார். மூவரின் வலது திருக்கரங்களும் அபய முத்திரையில் உள்ளது. ஆனால் சுவாரஸ்யமாக, ஸ்ரீ ராமரும் ஸ்ரீ லக்ஷ்மணரும் அதே முத்திரையுடன் அம்பையும் வைத்துள்ளனர். இறைவனின் வடிவத்தின் மற்றொரு சுவாரஸ்யமான அம்சம் என்னவென்றால், பெருமாள் மற்ற க்ஷேத்திரங்களில் சங்குவை இடது கரத்திலும் சக்கரத்தை வலது கரத்திலும் வைத்திருப்பார், ஆனால் இங்கு வலது கையில் சங்குவையும், இடது கையில் சக்கரத்தையும் வைத்திருக்கிறார். தவம் செய்து கொண்டிருந்த துறவி ஸ்ரீ பத்ராவிற்கு தனது வருகையை அறிவிப்பதற்காக சங்கு ஊதுவதற்காக இறைவன் தனது வலது கையில் சங்குவை வைத்திருப்பதாக நம்பப்படுகிறது.

பக்த ராமதாஸ்

பக்த ராமதாசர் அல்லது பத்ராசல ராமதாசர் என்று அழைக்கப்படும் ஸ்ரீ கஞ்சார்ல கோபண்ணா கி.பி 1620 இல் தெலுங்கானாவில் உள்ள கம்மம் நேலகொண்டபள்ளி கிராமத்தில் பிறந்து 68 ஆண்டுகள் இந்த பூமியில் வாழ்ந்தார்.

ஸ்ரீராம பக்தரான அவரை கோல்கொண்டாவின் சுல்தான் தானி ஷாவின் கருவூல அதிகாரியாக பணிபுரிந்தபோது, பத்ராசலத்தில் பணியமர்த்தப்பட்டார். ஸ்ரீராம பக்தராக கோபண்ணா அரச கருவூலத்திற்கு வரி வசூல் செய்வதுடன் ராமநாமத்தைப் பரப்புவதையும் வழக்கமாகக் கொண்டிருந்தார். அவர் தனது பணியின் போது பத்ராசலத்தில் உள்ள வைகுண்ட ராமர் கோயிலுக்குச் சென்றார். வைகுண்ட ராமரைக் கண்டு அவருள் இருந்த ராம பக்தியினால் பரவசம் அடைந்தார். அப்போது கோவில் நல்ல நிலையில் இல்லாததால், கோவிலை புதுப்பித்து புனரமைக்க வேண்டும் என்று கோபண்ணா நினைத்தார். இதற்காக நிதி திரட்ட வேண்டும் என அப்பகுதி மக்களிடம் வேண்டுகோள் விடுத்தார். நிதி வந்து கொண்டிருந்தது, ஆனால் கட்டுமான செலவுகளின் வேகத்தை தக்க வைத்துக் கொள்ள வசூல் போதுமானதாக இல்லை. கோயிலுக்கு நன்கொடையாகக் கிடைக்கும் பணத்தைக் கொண்டு கருவூலப் பணத்தை நிரப்பிவிடலாம் என்று நினைத்த கோபண்ணா, கட்டுமானச் செலவிற்கு பற்றாக்குறையாக உள்ள பணத்தை கருவூலப் பணத்தைப் பயன்படுத்தினார்.

கோபண்ணா கருவூலப் பணத்தை தவறாகப் பயன்படுத்திய செய்தி சுல்தானுக்கு எட்டியதும், அவர் கோல்கொண்டாவுக்கு விசாரணைக்கு அழைக்கப்பட்டார். சுல்தான் அவரைக் குற்றவாளியாகக் கண்டறிந்து சிறையில் அடைத்தார். அதன்பிறகு ஸ்ரீராமரே கருவூலத்தில் பணம் திருப்பிச் செலுத்தப்பட்டு கோபண்ணா சிறையிலிருந்து விடுவிக்கப்பட்டார்.

ஸ்ரீ பக்த ராமதாசரின் விரிவான சுயசரிதைக்கு, ஹனுமத் பக்தர்களின் கீழுள்ள "ஸ்ரீ பத்ராசலம் ராமதாஸ்" என்ற பக்கத்தை எங்கள் ஆங்கில இணையதளத்தைப் பார்க்கவும்.

பத்ராசலம் பக்த ராமதாஸர்

இந்த மாபெரும் பக்தரான கோபண்ணா அவர்கள் இயற்றிய கீர்த்தனைகளை பக்தியுடன் பாடி ஸ்ரீராமருக்கு இன்று நாம் சமர்ப்பிக்கிறோம். கீர்த்தனைகளில் ஸ்ரீராமரிடம் அவர் வெளிப்படுத்திய பக்தி அவருக்கு பக்த ராமதாஸ் என்ற பெயரைப் பெற்றுத் தந்ததில் ஆச்சரியமில்லை. அவரது கீர்த்தனைகள் அனைத்தும் பத்ராசலம் ஸ்ரீ வைகுண்ட ராமரை மையமாகக் கொண்டவை, எனவே பத்ராசலம் பக்த ராமதாஸ் என்று பெயர். இவரால் இயற்றப்பட்ட ஸ்ரீராமனைப் பற்றிய பல பாடல்களில் அவர் செய்த ஆபரணங்கள் மற்றும் பத்ராசலம் கோயில் இறைவனுக்குச் செய்த செலவுகள் பற்றிய விவரங்களை உள்ளடக்கியுள்ளது. இந்த மாபெரும் ஸ்ரீராம பக்தர் செய்த தவறுக்காக பன்னிரண்டு வருடங்கள் சிறைவாசம் அனுபவிக்க நேரிட்டது. தர்மத்தின் உருவான ஸ்ரீராமர், தனது பக்தர் செய்த தவறுக்காக தண்டனையை பன்னிரண்டு ஆண்துகல் அனுபவித்த பிறகு அருள் புரிந்தார். அருமைமிகு கீர்த்தனைகளை நமக்குப் பரிசாகக் கொடுத்ததற்காக ஸ்ரீராமர் தனது பக்தரைப் பிரார்த்தனை செய்ய வைத்தார் போலும்!

ஸ்ரீ ராமதாஸ் பத்ராசலம் ஸ்ரீ வைகுண்ட ராமரைப் பற்றி பல கீர்த்தனைகளை இயற்றியுள்ளார். மேலும் "ஸ்ரீ ஆஞ்சநேய சூர்ணிகா" என்று அழைக்கப்படும் இந்த க்ஷேத்திரத்தின் ஸ்ரீ ஹனுமான் மீது அவர் இயற்றிய பாடல் மிகவும் பிரபலமானது. சமஸ்கிருதத்தில் சூர்ணிகா என்றால் "ஒரு வகையான இணக்கமான உரைநடை, உரைநடை அடிகளாகப் பிரிக்கப்படாதவை, ஆனால் தொடர்ந்து இயங்கும் பிரிவில்லா வாக்கியங்களாக அமைந்தவை".

கோவிலின் திருப்பணி முடிந்ததும், ஸ்ரீ ராமதாஸ் ஸ்ரீ ஆஞ்சநேயருக்கு எதிரே நின்று இந்த சூர்ணிகாவை "சாமரம்" [மென்மையான கவரிமான் உரோமத்தாலான விசிறி] கொண்டு ஓதினார். அவருடைய பிரார்த்தனைகள் [கோயில் புனரமைப்பு] நல்லபடியாக முடிந்தமையால், இந்த துதியின் மூலம் மிகப் பெரிய ஸ்ரீராம பக்தரான ஸ்ரீஹனுமாருக்கு நன்றி தெரிவித்தார். இந்த மகத்தான பாடல் ஸ்ரீ ஹனுமானின் முழு வாழ்க்கையையும் நினைவுபடுத்துகிறது.

எங்கள் தமிழ் இணையதளத்தில் “ஸ்ரீ ஆஞ்சநேய சூர்ணிகா” என்ற இசையமைப்பை தமிழில் வழங்குவதில் நாங்கள் மிகுந்த மகிழ்ச்சி அடைகிறோம். தமிழ்நாட்டில் பஜனையில் நடைமுறையில் இருக்கும் எழுத்துமுறை என்பதை நினைவில் கொள்ளவும்.

ஸ்ரீ ஆஞ்சநேய சந்நிதி

கோயில் ஒரு குன்றின் மீது இருப்பதால் [எனவே இந்த க்ஷேத்திரம் பத்ரகிரி என்றும் அழைக்கப்படுகிறது] பிரதான கோயில் பிரகாணத்தை அடைய ஒருவர் சில படிகளை ஏற வேண்டும். பிரதான சன்னதியில் ஸ்ரீ வைகுண்ட ராமர், சீதா மாதா மற்றும் லக்ஷ்மணருக்கு பிரார்த்தனை செய்யுங்கள். ஸ்ரீ ராம பாதமும் பிரதான தெய்வத்தின் பிரதியும் காணப்படுகின்ற ஸ்ரீ பத்ரா சந்நிதியில் பிரார்த்தனை செய்யுங்கள். கோவில் வளாகத்தில் பரிக்கிரமாவில் உள்ள மற்ற தெய்வங்களை பிரார்த்தனை செய்த பிறகு, பிரார்த்தனை செய்ய ஸ்ரீ ஆஞ்சநேய சந்நிதிக்கு வாருங்கள்.

இந்தப் பெரிய க்ஷேத்திரத்தில் ஸ்ரீ ஆஞ்சநேய மூர்த்தம் சுமார் ஏழடி உயரம் கொண்டது. நின்ற கோலத்தில் கிரானைட் கற்களால் மூர்த்தம் அமைக்கப்பட்டுள்ளது. உற்சவ மூர்த்தமும் இதே சந்நிதியில் காணப்படுகிறது.

ஸ்ரீ ஆஞ்சநேயர்

‘அஞ்சலி முத்திரை’யில் பகவான் கைகளை மடக்கி உள்ளங்கைகளை இணைத்த நிலையில் நிற்கிறார். பகவான் திரிபங்க தோரணையில் அழகாக காட்சியளிக்கிறார். இறைவன் கச்சம் பாணியில் வேட்டியும் மௌஜ்ஜி-புல்லின் செய்யப்பட்ட சரமும் இடையில் அணிந்துள்ளார். அவரது இரு கைகளிலும் மேல் கரத்தில் கேயுரம் மற்றும் முன் கரத்தில் கங்கணம் அணிவிக்கப்பட்டுள்ளது. பாகு-வலயம் அவரது தோள்களுக்கு அழகு சேர்க்கிறது. அவரது பரந்த மார்பில் முப்புரி நூல் காணப்படுகிறது. அவர் தனது பரந்த மார்பினில் இரண்டு மாலைகளை அணிந்துள்ளார். பகவானின் வால் அவரது தாமரை பாதங்களுக்கு அருகில் காணப்படுகிறது, அதன் முனை சற்று சுருண்டுள்ளது. பகவான் தனது தோள்களைத் தொடும் குண்டலங்கள் அணிந்துள்ளார். இறைவனும் காதில் ‘கர்ண புஷ்பம்’ அணிந்துள்ளார். நேர்த்தியாக சீவப்பட்ட சிகை முடிந்து வைத்துள்ளார் [பார்வைக்கு தெரிவதில்லை].

இந்த க்ஷேத்திரத்தின் இறைவனின் தனித்துவமான அம்சம் என்னவென்றால், அவர் எதுர்முகி அதாவது, பக்தர்களை நேரடியாக இரு கண்களாலும் நோக்குகிறார். அவரது பிரகாசமான கண்கள் பக்தன் மீது கருணையை பொழிகிறது. அத்தகைய பிரகாசமான கண்களுடன், க்ஷேத்திரத்தின் பகவான் தியானிக்கப்பட வேண்டியவர்.

 

 

தமிழாக்கம் : திரு. ஹரி சுந்தர் :: பதிப்பு: ஆகஸ்ட் 2023

 

 

ஆஞ்சநேய ஸ்வாமி புகழ் வாழ்க